Меню KDT
МЕНЮ

"Қариясы бар үйдің қазынасы бар" - 64 қонақта жобасы.



«64-те қонақта» жобасына 1-қазан қарттар мерекесі қарсаңында қазақтың «Қариясы бар үйдің қазынасы бар» тақырыбында мектебіміздің қоғамдық жұмысына белсене қатысып жүрген ата-әжелерімізбен кездесу сағаты ұйымдастырылды. Сыр-сұхбат бірнеше кезеңдерді қамиды. 1-кезең: «Қариясы бар шаңырақтың ырысы артық», 2-кезең: «Қариясы бар шаңырақта береке-бірлік болады» десек, 3-кезең: «Сұрағым бар» айдарымен оқушылар сұрақтарымен жалғасын тапты. Кездесу сағатында ата-әжелерімізге оқушылар атынан әсем әуен шырқалып, өлең жолдары жолданды. Мектеп директоры атынан алғыс хат берілді. Мектептің Кәсіподақ  атынан мереке қарсаңында сыйлықтар ұсынылды. Қарттарын құрмет тұтып, ақсақалдарын ардақтай білген елдің баласы өткенді бағалауға, бүгінін саралауға құмар болады. Үлкенге ілтипат көрсеткен жастың өзі де өсе келе сондай құрметке ие болады деп кездесу сағатын баталы сөзбен аяқтадық. Мерекелеріңізбен құттықтаймыз! ВИДЕО КӨРУ

02.10.24