Меню KDT
МЕНЮ

Астана қаласы педагогтерінің қалалық тамыз форумы.



Бүгінгі Астана қаласы педагогтеріне арналған қалалық тамыз форумы білім саласындағы жаңа бастамалар мен өзгерістерге арналып, ұстаздарымызды жаңа биіктерге шақырғаны сөзсіз. Астаналық ұстаздарға заманауи технологиялар мен мәселелер талқылауға ұсынылып, серпіліс берді. Осы форум аясында көптеген әріптестеріміздің ұстаздық еңбегі бағаланып, үлкен марапаттарға ие болды. Сол ұстаздар қатарында болғаныма қуаныштымын. Ұстаздық - біздің әулет үшін қасиетті мамандық. Асқар тау әкемізден үлгі алып, жанұяда көпшілігіміз ұстаздық жолды таңдағанбыз. Мен де 1989 жылдан бері ұстаз болып, шәкірт тәрбиелеп, еңбек етіп келемін. Ы.Алтынсарин төсбелгісі - әрбір ұстаз үшін биік шың деп есептеймін.
Астаналық әрбір ұстаздың ұшан теңіз еңбегін көре білетін, салмақтап саралай білетін қалалық білім басқармасының мамандарына, Астана қалалық білім басқармасына, басшысы Қасымхан Сенғазыұлына, Оқу-ағарту министрі Ғани Бектайұлына үлкен рақметімді білдіргім келеді. Еліміздің әр ұстазы осындай құрметке лайық деп ойлаймын.
Жаңа оқу жылы баршаңызға табысты жыл болсын! ТОЛЫҚ АҚПАРАТ

15.08.24